Վաղարշապատի համայնքապետարանում կայացավ գործակարգավարական խորհրդակցություն, որը վարեց համայնքի ղեկավարի պաշտոնակատար Արգիշտի Մեխակյանը։ Խորհրդակցությանը մասնակցում էին համայնքապետարանի ղեկավար կազմը, Ոսկեհատ բնակավայրի վարչական ղեկավարը, բաժինների պետերը, ինչպես նաև համայնքային հիմնարկների ներկայացուցիչներ։ Քննարկման ընթացքում անդրադարձ կատարվեց համայնքային ենթակառուցվածքների բարելավման ծրագրերին, բնակիչների առօրյային առնչվող խնդիրների լուծման հնարավորություններին, ինչպես նաև համայնքային կառավարման արդյունավետության բարձրացման ուղիներին։ Արգիշտի Մեխակյանը տվեց մի շարք հանձնարարականներ՝ համայնքում իրականացվող աշխատանքների որակի բարելավման ու պատասխանատու ստորաբաժանումների միջև համագործակցության արդյունավետության բարձրացման ուղղությամբ։
